أمانة في عنقك ترسلها لكل الموجودين !!!!!!

بسم الله الرحمن الرحيم

السلام عليكم ورحمة الله وبركاته


اقتباس:
أقسمت عليك بالعزيز الجبار ان ترسلها لكل الموجودين عندك قال الحبيب النبى : من صلى 6 ركعات بعد المغرب الى العشاء حسب له كعباده 12 سنه " ممكن ان تضيع فرصه زى دى؟ اقسمت عليك بالعزيز الجبار ان ترسلها لكل الموجودين

أكيد بتشوفوا الرسايل دي عندكم في الايميل حاجة الصراحة بتزعل واللي يزعل اكتر اللي بيبعتها لكل اللي موجود عندها ولو تأنى شوية وشاف الكلام هيقول الخديث ده احتمال كبير أنه ضعيف غير أنه ممكن يكون موضوع ونسى حديث النبي صلى الله عليه وسلم الذي رواه عبد الله بن عمرو بن العاص في صحيح البخاري (بلغوا عني ولو آية ، وحدثوا عن بني إسرائيل ولا حرج ، ومن كذب علي متعمدا فليتبوأ مقعده من النار)

ولو شفنا الحديث اللي مبعوت على الايميل

222936 - من صلى بعد المغرب ست ركعات لم يتكلم فيهن بسوء
الراوي: - - خلاصة الدرجة: فيه عمر بن راشد اليمامي ومحمد بن غروان هما ضعيفان وهو من قول ابن عمر رفعه محمد - المحدث: ابن القيسراني - المصدر: معرفة التذكرة - الصفحة أو الرقم: 219


--------------------------------------------------------------------------------

126658 - من صلى بعد المغرب ست ركعات لم يتكلم فيما بينهن بسوء عدلن له بعبادة ثنتي عشرة سنة
الراوي: أبو هريرة - خلاصة الدرجة: [فيه] عمر بن عبد الله بن أبي خثعم قال البخاري منكر الحديث وضعفه جدا - المحدث: البغوي - المصدر: شرح السنة - الصفحة أو الرقم: 2/439


--------------------------------------------------------------------------------

15727 - من صلى بعد المغرب ست ركعات لم يتكلم فيما بينهن بسوء عدلن له بعبادة اثنتي عشرة سنة
الراوي: أبو هريرة - خلاصة الدرجة: منكر لا يلتفت إليه - المحدث: ابن العربي - المصدر: عارضة الأحوذي - الصفحة أو الرقم: 1/432



والله الحاجات دي بتفكرني بالرسايل اللي بتجي على الموبايل وتقول امانة في عنقك ترسلها ل77 وعلى راي اللي قال شركة المحمول هي اللي باعته اول رسالة


رجاء كل واحد تيجليه رسالة على الايميل مش مجرد forward لكل الليست وهو ممكن بيكذب على النبي صلى الله عليه وسلم ويقول قال الحبيب صلى الله عليه وسلم

محدش يفهم من كلامي مثلا اني ضد ان واحد يبعت حاجة على الايميل لا ابدا الواحد ممكن يبعت حديث صحيح تذكرة بصيام 3 ايام في الشهر حاجة دعوية مميزة من باب قوله عزوجل وتعاونوا على البر والتقوى وقوله تعالى قل هذه سبيلى أدعو إلى الله على بصيرة .

لكن تقول أمانه في عنقك والكلام ده هو اللي بيدايق